Anne-Grete Sandtorv har vore dagleg leiar i Stord Næringsråd sia 2008 og sluttar etter Stordkonferansen 2023. Ny dagleg leiar frå 1. mai 2023 er Torbjørn Brosvik.
Anne-Grete har lang og allsidig bakgrunn frå næringslivet, og gjennom 11 år som leiar av Adecco sitt bemanningsbyrå på Stord, fekk ho god kjennskap til næringsstruktukturen på Stord og i Sunnhordland. Fire år i kommunestyret på Stord og prøvenemdansvarleg for kontorfaglærlingar, gav eit godt grunnlag for å bli kjend med dei offentlege forvaltningsnivåa. Anne-Grete er utdanna marknadsøkonom, og har i vaksen alder tatt Coach-utdanning på BI, Organisasjonspsykologi ved UiB og Karriereveiledning ved NTNU.
