Den neste utviklingsplanen
Utviklingsplan for Vestland 2020-2024, regional planstrategi, er den overordna planen for samfunnsutviklinga i Vestland. Den viser utfordringar og utviklingstrekk i fylket, har langsiktige mål, og strategiar for korleis vi skal nå dei og møte utfordringane.
Oddmund Klakegg, leiar i Hovudutval for næring, ønska velkommen og fekk med seg mange gode innspel frå Sunnhordland. Etter møtet var ferdig sette han seg i bilen og skulle køyre heim til Jølster. Då fekk han truleg kjenne på trongen for Hordfast.
André Mundal Haukås, ordførar i Sveio og leiar for Samarbeidsrådet i Sunnhordland var ein av dei som la fram viktige tema frå vår region.
Kort oppsummert var innspela frå Sunnhordland at det viktigaste fylket kunne jobbe vidare med no er samferdsle, kraft og kompetanse. Dette er og heilt i tråd med dei tilbakemeldingane SNR får frå sine medlemmer, og er viktige saker som må jobbast med både lokalt, i fylket og inn mot staten.
Her kan du lese meir om den neste utviklingsplanen og korleis Vestland fylke ser føre seg å arbeide framover. Her er og mykje godt kunnskapsgrunnlag som skal ligge til grunn for vidare plan og arbeid i fylket.
Den neste utviklingsplanen - Vestland fylkeskommune
Politikk
